नुवाकोट हेल्थपाेष्टमा नि:शुल्क दन्त शिविर तथा रक्तदान कार्यक्रम सम्पन्न

केदार ढकाल असोज ९ २०७८, शनिबार १९:३६

विदुर २, नुवाकोट हेल्थपाेष्टमा नि:शुल्क दन्त शिविर तथा रक्तदान कार्यक्रम सम्पन्न भएको छ।
लायन्स क्लब अफ काठमाडौं बिशाल बजारकाे आयोजना र नुवाकोटमा क्रियाशील लायन्स क्लब तथा लियो क्लबहरुकाे सहयोग तथा स्थानीय नुवाकोट युवा क्लबकाे विशेष संयाेजनमा उक्त शिविर संचालन भएको हाे। जनचेतनाकाे हिसाबले याे दन्त शिविर अत्यन्तै महत्त्वपूर्ण रहेको नुवाकोट युवा क्लबका अध्यक्ष सराेज डंगोल बताए। बेलाबेलामा हुने यस्ता शिविरहरुले स्थानीय जनताले धेरै लाभ पाउने हुनाले सहयोगी संस्थाहरुले गाउँ गाउँमा स्वास्थ्य शिविरहरु संचालन गर्नेमा ध्यान दिनुपर्नेमा अध्यक्ष डंगोलले जाेड दिएकाछन्।
लियो क्लब अफ नुवाकोट क्यापिटलका अध्यक्ष दिवित्सा प्रधानका अनुसार नुवाकोट हेल्थपाेष्टमा संचालन भएको कार्यक्रममा १५० जना भन्दा बढीले दन्त सेवा लिएकाे र २० जनाले रक्तदान गरेकाछन् ।