पृथ्वी मा वि को तिज विशेष अनलाइन नृत्य प्रतियोगिताको नतिजा सार्वजनिक
सार्वजनिक नतिजा अनुसार समूह (ग) का प्रकृति भुसाल पहिलो, प्रियासा थापा दोस्रो र आलिया नेपाली तेस्रो स्थान हासिल गर्न सफल भएका छन् ।
हरितालिका तिजको अवसरमा विदुर स्थित पृथ्वी माध्यमिक विद्यालयले आयोजना गरेको तिज विशेष अनलाइन नृत्य प्रतियोगिताको नतिजा सार्वजनिक भएको छ ।
प्रतियोगितामा समूह (क) अन्तर्गत रहेर कक्षा ८, ९ र १० का ७ जना, समूह (ख) अन्र्तगत रहेर कक्षा ४, ५, ६ र ७ का १८ जना र समूह (ग) अन्तर्गत रहेर कक्षा १, २ र ३ का ९ जना छात्राहरुले सहभागिता जनाएका थिए । सार्वजनिक नतिजा अनुसार समूह (ग) का प्रकृति भुसाल पहिलो, प्रियासा थापा दोस्रो र आलिया नेपाली तेस्रो स्थान हासिल गर्न सफल भएका छन् ।
यस्तै समूह (ख) बाट सहभागी विद्यार्थीहरु मध्ये कृष्मा भुजेल पहिलो, अनु तामाङ दोस्रो र क्रिशल आले मगर तेस्रो भएका छन् भने समूह (क) अन्तर्गत रहेर सहभागी भएका विद्यार्थीहरु मध्ये रोश्नी प्याकुरेल पहिलो, राजमिला गुरुङ दोस्रो त्यस्तै स्वस्तिका भट्टराई र सन्ध्या श्रेष्ठ तेस्रो भएका शिक्षक सुरेन्द्रबहादुर कुवँरले जानकारी दिनुभएको छ ।
विश्वव्यापी रुपमा फैलिरहेको कोरोना भाइरसको कारण विद्यालयहरु बन्द रहेको अबस्थामा विद्यार्थीको नृत्य कलालाइ हौसला प्रदान गर्न अनलाइनबाटै भए पनि प्रतियोगिता आयोजना गरिएको हो । विद्यालयमा अध्यनरत छात्राहरुलाई तिजको गितमा नृत्य गरिएको भिडियो सामाजिक सञ्जाल फेसबुक मार्फत उपलब्ध गराउन आग्रह गरिएको थियो । प्रतियोगितामा उत्कृष्ट भएका विद्यार्थीहरुलाई विद्यालयमा भौतिक रुपमा नै उपस्थित भई आयोजना गरिने औपचारिक कार्यक्रममा नगद प्रमाणपत्र प्रदन गरिने विद्यालयका प्रधानाध्यापक बाबुराम लामिछानेले जानकारी दिनुभएको छ ।
क्याटेगोरी : देश, मनोरञ्जन, विचार / ब्लग, समाचार
ट्याग : #hot 100
थप समाचार
धेरै पढिएका
प्रतिक्रिया दिनुहोस