विदुर । नुवाकोटको निर्वाचन क्षेत्र २ को प्रदेश १ मा नेकपा माओवादी केन्द्रका रामप्रसाद ढुङ्गाना बिजयी भएका छन् । उनले एमालेका केशवराज पाण्डेलाई ४४९ मतले हराएका हुन् । यसको आधिकारिक घोषणा हुने भने बााकी छ ।
बिहीवार बिहान सार्वजनिक भएको मत परिणाम अनुसार ढुङ्गानाले १२ हजार ११० मत पाएका छन् भने पाण्डेको मत ११ हजार ६६१ रहेको छ । यस क्षेत्रमा बेलकोटगढी नगरपालिका पुरै र विदुर नगरपालिकाको वडा नं. १, २, ३, ४, ५, ६, १० र ११ रहेको छ ।
सत्ता गठबन्धनमा माओवादी केन्द्रको भागमा परेको प्रदेश निर्वाचन क्षेत्रमा नेपाली काँग्रेसका गीता अमात्यको समेत उम्मेदवारी परेको थियो । उम्मेदवारी फिर्ता लिने समय गुजारेर पछि फेसबुकमा उम्मेदवारी फिर्ता लिएका अमात्यले झण्डै ४ हजार मत पाएकी छिन् ।
मंसीर ५ गतेदेखि जारी रहेको मतगणनाको नुवाकोटमा आएको यो पहिलो नतिजा हो ।
क्याटेगोरी : समाचार
ट्याग : #hot 100
थप समाचार
धेरै पढिएका
प्रतिक्रिया दिनुहोस