करदाता सेवा कार्यालय गल्छीको आयोजनामा स्रोतमा करकट्टी (टिडीएस तथा इटिडीएस) सम्बन्धि तालिम प्रदान
करदाता सेवा कार्यालय गल्छीको आयोजनामा धादिङ जिल्लामा रहेका संघ, प्रदेश र स्थानिय तहका सम्पूर्ण सरकारी कार्यालयका आर्थिक प्रशासन शाखा प्रमुखहरुलाई स्रोतमा करकट्टी (टिडीएस तथा इटिडीएस) सम्बन्धि तालिम दिईएको छ ।
शुक्रबार कोष तथा लेखा निकाय कार्यालय (कोलेनिका) धादिङमा भएको कार्यक्रममा कोलेनिकाका प्रमुखले रेशमकुमार खत्रीले तालिमपश्चात कर संकलनमा वृद्धि हुने र वित्तीय सुशासन कायम गर्न करदाता सेवा कार्यालयबीच सहकार्य हुने बताउनु भयो ।
करदाता सेवा कार्यालय गल्छीका कर अधिकृत शिखा वाग्लेले अग्रिम कर प्रविष्टमा हुन सक्ने त्रुटी न्युनिकरण तथा कर कानुनको पालना, कर्मचारीमा कर सम्बन्धि सचेतनामा हरेक सरकारी निकाय र सोका आर्थिक शाखाको भूमिका सहयोगी हुने हुदाँ तालिमले आगामी दिनमा अपेक्षित कर संकलन र कर छलि नियन्त्रणमा सहयोगी हुने अपेक्षा लिएको बताउनु भयो ।
जिल्लास्थित सरकारी कार्यालयका ३५ जना भन्दा बढि आर्थिक शाखा प्रमुख सहभागी रहेको तालिममा हरिकुमार श्रेष्ठले करको कानुनी व्यवस्था र टिडीएस तथा इटिडीएस प्रक्रियाबारे प्रस्तुतिकरण गरेका थिए ।
तालिममा सहभागी प्रशिक्षार्थीले कर सम्बन्धि र टिडीएस तथा इटिडीएस सम्बन्धि जिज्ञासा तथा समस्या राखेका थिए ।
क्याटेगोरी : समाचार
ट्याग : #hot 100
थप समाचार
धेरै पढिएका
प्रतिक्रिया दिनुहोस