फाइनलमा पुग्न जनकपुर र कर्णाली खेल्ने : समूह चरणको जित दोहोर्याउने जनकपुरको दाउ, बदला लिने कर्णालीको लक्ष्य
नेपाल प्रिमियर लिग (एनपीएल) अन्तर्गत आज दिउँसो क्वालिफायर २ को खेल हुदै छ । उक्त खेलमा जित निकाल्दै फाइनलमा पुग्ने लक्ष्यका साथ कर्णाली याक्स र जनकपुर बोल्ट्स आमनेसामने हुँदै छन् ।
क्वालिफायर १ मा सुदूपश्चिम रोयल्ससँग पराजित हुँदै जनकपुर क्वालिफायर २ मा पुगेको हो । त्यस्तै इलिमनेटरमा चितवन राइनोजलाई पाखा लगाउँदै कर्णाली याक्स क्वालिफायर २ मा पुगेको हो । जनकपुरलाई पराजित गरेको सुदूरपश्चिम फाइलनमा पुगिसकेको छ । यता चितवन पनि कर्णालीसँग पराजित भएसँगै उपाधि होडबाट बाहिरिएको छ ।
हेडटु हेडका आधारमा हेर्दा जनकपुर र कर्णाली यसअघी समूह चरणमा आमनेसामने भइसकेका छन् । उक्त खेलमा जनकपुरले कर्णालीलाई २९ बल बाँकी छँदै ८ विकेटले पराजित गरेको थियो । त्यसैले कर्णालीविरुद्ध उच्च मनोबलका साथ जनकपुर मैदानमा उत्रने छ । उता कर्णाली भने जनकपुरसँग बदला लिँदै फाइनलमा पुग्ने लक्ष्यमा हुनेछ ।
क्याटेगोरी : खेलकुद
थप समाचार
धेरै पढिएका
प्रतिक्रिया दिनुहोस